Dag 1:  Vertrek uit Suid Afrika.

​​

Dag 2:  Die vaart begin (en eindig) in Parys en verken vir 9 dae ‘n stukkie van Noord-Frankryk. Talle stede, dorpe en landskappe wag op jou. 

 ​ 

Dag 3:  Jy verloor vinnig tred met tyd in Normandië se hoofstad, Rouen.  Maar jy word weer daaraan herinner deur die 600 jaar oue 'Big Clock'. Dit is een van die wêreld se oudste astronomiese horlosies.

 ​

Dag 4:  Aangesien een dag in die pragtige Rouen nie genoeg is nie, waarom nie nog 'n dag daar deurbring voordat ons verder vaar nie?

 

Dag 5:  Hierdie stop op jou Seine-vaart is in die hawe van Le Havre. Dit is 'n stad in Normandië, noordwes-Frankryk waar die Seine in die see uitmond. Die historiese sentrum, wat 'n UNESCO-wêrelderfenisgebied is, is net een van Le Havre se baie besienswaardighede.

 ​

Dag 6:  Nog ‘n volle dag om die hawestad te verken.

 

Dag 7:  Caudebec-en-Caux.  Hierdie klein dorpie is in een van die groenste streke van Frankryk geleë. Die talle blomgevulde tuine nooi jou uit om langer te kuier.  In die middestad weerspieël historiese geboue soos die kerk van Notre Dame of die Tempeliershuis die indrukwekkende geskiedenis van Caudebec.

 

Dag 8:  Hierdie rustige dorpie Les Andelys is 'n idilliese plek omring deur die natuur op die oewer van die Seine.  Dit is bekend vir sy kasteel, Château Gaillard.  Alhoewel dit deesdae niks meer as 'n groot ruïne is nie, is dit maklik om te dink dat Richard the Lion Heart hier waghou vir die opmars van die vyand – die Franse – deur die Seine-vallei.

 

Vandag is waarskynlik een van die hoogtepunte van jou Seine-vaart -

Jy kry kans om die wêreldbekende Franse skilder, Claude Monet, se huis en tuin in Giverny te besoek. Dit is 'n magneet vir kuns- en kultuurliefhebbers en diegene met 'n romantiese neiging – en met reg.  Die welige tuin lyk soos 'n land vol blomme reguit uit 'n impressionistiese skildery. Die hoogtepunt is die betowerende leliedam, die onderwerp van een van Monet se waardevolste skilderye. En jy kan dit van naby bewonder!

 

​Dag 9:  Nog tyd in Vernon. Vaar dan verder en stap rond in die kern van bekoorlike La Roche-Guyon by die indrukwekkende kasteel - 'n majestueuse vesting wat hoog bo die Seine uittroon. Hierdie historiese plek, met 'n ryk verlede van meer as duisend jaar, nooi jou uit vir fassinerende begeleide toere deur sy kamers en tuine. Vanaf die torings kry jy ook asemrowende uitsigte oor die omliggende vallei en die rivier.

 

Die boot vaar vanaand Parys binne.  Daar is talle maniere om die stad van liefde te ontdek. Kry 'n skouspelagtige uitsig oor Parys vanaf die top van die Eiffeltoring. Of wat van 'n wandeling langs die Champs-Élysées, wat jou na die manjifieke boulevards, eksklusiewe winkels en knus kafees neem. Dis beslis nie net kunsliefhebbers wat die Louvre, een van die wêreld se bekendste kunsmuseums, moet besoek nie.

 

Dag 10:  Die laaste dag op die boot en die volle ontdekkings-dag in Parys behoort aan jou. Geniet onder meer die asemrowende metropool met sy baken - die beroemde Eiffeltoring.  Dit is inderdaad die stad van liefde, drome en alles wat mooi is.  Die laaste aand kan jy ook aan boord geniet… as jy wil.

 

Dag 11:  Ons onvergeetlike riviervaart kom tot 'n einde. Die opwindende dae op die Seine en aan boord is verby.

Vandag vlieg ons terug Suid-Afrika toe. 

En al wat oorbly is al die herinneringe wat brandhout word vir daai eendag se onthou-dag… 

​

Dag 12:  Aankoms in Suid-Afrika.

 

​