top of page
shutterstock_662032261_Hero_edited_edited.jpg

Kroasië & Slowenië:  Inligting vir Toerlede

10 - 24 Augustus 2026    Vetrek uit Kaapstad 
 

Eilande, watervalle, grotte, straatmarkte, wyne, eeue-oue plekke,

lipleklekker kosse en baie vrye tyd.

 

Maak gereed vir ‘n groot avontuur!

Betaaldatum:

Betaaldatum van balans is op 10 Mei 2026.  Fakture sal vroegtydig uitgestuur word.

Gebruik asb jou faktuurnommer as betalingsverwysing.

Vlugte:

Die vlug vertrek uit Kaapstad op 10 Augustus om 16:40.

Die terugvlug land in Kaapstad op 24 Augustus om 11:50. 

 

Toerleier, Johann du Plooy, sal julle ontmoet by die instaphek, waar jy op die vliegtuig klim, sowat 45 minute voor instaptyd.

Visum:

VISUMS is elkeen se eie verantwoordelikheid.

 

Vir Kroasië en Slowenië het jy ‘n Schengen visum nodig. Ons is bietjie langer in Kroasië en moet dus die visum deur hulle doen. VFS is die agentskap wat dit hanteer- slegs in Johannesburg, Pretoria, Durban of Kaapstad, en jy MOET persoonlik daar wees.

Visum-aansoekwebtuiste:   https://visa.vfsglobal.com/zaf/en/hrv

​

Sowat 2 weke nadat almal hulle balans betaal het, word die vlugkaartjies en Toerleiersverklaring uitgereik, wat nodig is vir die visumaansoek.   

Reisversekering:

Reis-versekering is en bly elkeen se eie keuse en verantwoordelikheid. 

Jy kan by enige versekeraar van jou keuse versekering uitneem.  

‘n Paar goeie opsies om te oorweeg is TIC, Hollard, Chubb en Allianz.

Hier is ‘n link met meer inligting:  https://www.mariusduplooy.com/reisversekering

 

NB WENK: Mense is dikwels onder die indruk dat dit meer kos as hulle lank voor die toer reeds versekering uitneem. Dis nie waar nie. Jy betaal slegs vir die tydperk van die toer, maar jy is verseker vanaf die oomblik wat jy dit uitneem.  Indien iets ernstig lank voor die tyd gebeur en wat versekerbaar is, is jy gedek. 

Sommige mense vra of hulle eie mediese versekering voldoende is. Maak asb self 100% by jou versekeraar seker of dit vodoende dekking is vir ‘n Schengen-visum. 

Toerprogram:

​​​​10 Aug  

Vertrek uit Kaapstad na Dubrovnik.

​

11 Aug

Slaap in Dubrovnik hotel.  Aandete ingesluit.

​

12 Aug

Ontbyt en dag vrye tyd in Dubrovnik.  Aandete ingesluit

​

13 Aug

Na ontbyt vertrek on op ons eie boot, die Dalmatia, tot by die eiland Korcula waar ons op die boot slaap, met vrye tyd op die eiland.  Middagete ingesluit.

​

14 Aug

Vaar na Hvar.  'n Kans om te swem in die Adriatiese osean.  Eie tyd op die eiland en ons slaap op die boot in Hvar.  Middagete ingesluit.

​

15 Aug

Boot van Hvar na Split ons laaste nag op die boot.  Eie tyd in Split.  Middagete ingesluit.

​

16 Aug

Af van boot en bus na Trogir. Slaap in Trogir.   

​

17 Aug

Na ontbyt, vertrek via Zadar na Hotel Mirjana Rastoke.  Aandete ingesluit.

​

18 Aug

Vandag besoek ons die skouspelagtige die Plitvice mere en watervalle.  Aandete ingesluit.

​

19 Aug

Na ontbyt - oor die grens na Slowenië en die Hotel Radin Radenci-warmwaterbron in die pragtige Jeruzalem wyngebied.  Op pad gaan ons wyn proe op ‘n wynlandgoed.  Aandete ingesluit. 

​

20 Aug

Na ontbyt (vinnige laaste swem in die reuse, binneshuise, warmbron-swembad). Dan bus na Ljubljana, met ‘n unieke bierproe op pad.

​

21 Aug

Na ontbyt besoek ons lake Bled, vaar met ‘n tradisionele Pletnaboot. Daarna ‘n kilometer op in die Bonhi kabelkar met ligte middagete. Slaap in Ljubljana.  Middagete ingesluit.

​

22 Aug

Na ontbyt - besoek die reusagtige Postojna grotte. Terug na Ljubljana.

​​

23 Aug

Totsiens Ljubljana en vertrek na Skofja Loka en ‘n koebaai-middagete met ‘n besondere uitsig. Daarna na lughawe en vlieg na SA.

​

24 Aug

Aankoms in Kaapstad

Ingesluit:

​

  • Retoervlugte uit Kaapstad.

  • Alle verblyf en toegang soos in die program aangedui.

  • 3 nagte bootvaart.

  • Alle ontbyte.

  • 10 ander etes.

  • Busvervoer.

 

Geldsake:

10-Euro-Note-made-in-Italy.jpg

Die geldeenheid in Kroasië en Slowenië is die Euro.

 

Jy kan by meeste plekke jou kredietkaart/debietkaart daar gebruik.

Jy kan ook daar geld trek of ruil. Dis altyd goed om minstens ‘n bietjie kontant te hê.

 

NB Onthou om jou kredietkaartmense te laat weet wanneer jy in die buiteland sal wees.

Fooitjies:

Tip-Jar-Blog-Image-660x283-1.jpg

Fooitjies is nie verpligtend nie.

Daar sal wel fooitjies ingesamel word vir die bemanning wat na ons omsien vir die 3 dae op die boot. En dan aan die einde van die toer ook vir die busbestuurder wat ons deur die 2 lande gaan rondry.

Die Weer:

Wat die weer betref, behoort dit lekker warm somer temperature te wees.

 

Augustus se gemiddeld is:

 

Dubrovnik   30° / 23°

Trogir           29° / 19°

Rastoke       26° / 14°  30% kans van reën

Ljubljana     27° / 15°   30% kans van reën

purepng.com-weather-iconsymbolsiconsapple-iosiosios-8-iconsios-8-721522596142qx4ep.png

Klere ens:

  • Dit help om in lae aan te trek.

  • Onthou ‘n reënbaadjie en iets warms.

  • Gemaklike stapskoene/sandale.

  • Hoed, Sonbril en Swemklere.

  • Dan natuurlik jou eie medikasie.   Oorweeg ook: hoofpynpille, iets soos Imodium, Buscopan, iets vir naar, breëspektrum antibiotika, iets vir allergië, Voltaren, pleister, oogdruppels, ACC200, iets vir ‘n moontlike keelseer….

Proppe:

Ons tweepunt-proppe werk daar:

electricity-type-C-plug-1.jpg

Connected:

Ons hotelle het WiFi en die meeste restaurante uiteraard ook.  

Gewone roaming word al hoe goedkoper, so kyk gerus na jou opsies.

Jy kan ook net sms’e laat roam of jy kan data roam.  Praat met jou diensverskaffer en onthou dat die ‘sms-roaming’ eers geaktiveer kan word op die lughawe anders gaan jy nie sms’e kan ontvang nie!!  Dit gaan ook nie werk indien jy dit eers in die buiteland wil aktiveer nie!!

​

‘n eSim werk ook baie goed, as jy data nodig het.  Dit is virtuele simkaarte wat data bied teen goeie pryse.  Maar maak baie seker dat jou foon ‘n eSim kan gebruik.  

​​

Meer inligting oor roaming en eSim:

https://www.mariusduplooy.com/bly-in-verbinding-op-toer

unnamed.png

Handbagasie:

Goed soos handeroom, tandepasta, tandeborsel, parfuum, deo, oogdruppels, ens., sit ek in ‘n jiffy-sakkie en haal dit uit my kajuitsak uit voordat dit deur die ‘scanner’ gaan.  Onthou dat die botteltjies ‘vloeistof’ nie meer as 100ml mag wees nie.

 Gewig van bagasie:

Jou tas vir die internasionale vlug mag ‘n maksimum van 23 kg weeg.  Handbagasie: 8 kg. 

Jou spanmaats vir die avontuur:

Hannes Botes                               Jacobsbaai

Tertia Botes                                   Jacobsbaai

Francina Morkel                            Paarl            

Bruwer Morkel                              Paarl

Winnie Fourie                                Stellenbosch

Lynne Fourie                                  Somerset West

Marna Britz                                    Kempton Park

Dries Britz                                      Kempton Park

Jacques Loots                               Kuilsrivier

Eleana Loots                                 Kuilsrivier

Leon Dietrich                                Gansbaai

Karen Pieterse                              Gansbaai

Amanda Grundling                      Sasolburg

Uys Grundling                               Sasolburg

Willie Henning                              Burgersdorp

Gerda Henning                             Burgersdorp

Dorene Smit                                  Benoni

Jaap Smit                                       Benoni

Sarie Pieterse                                Bela Bela

Willem Pieterse                            Bela Bela

Japie van Eeden                           Stilbaai

Engela van Eeden                        Stilbaai

Connie Garstman                         Rheenendal

Adri Garstman                               Rheenendal

Wilmaretha Le Roux                    Bloemfontein        

Enna Redelinghuys                      Centurion

Margreet Moes                             Nederland

Corine Moes                                  Kuilsrivier

Johann du Plooy                          Kaapstad              

Karen du Plooy                            Kaapstad        

Max du Plooy                               Kaapstad

Kyrstyn Oberholster                    Bath (UK)          

Johett Oberholster                      Pretoria    

Esbe Ungerer                               Pretoria    

Andre Ungerer                             Pretoria

Toerlied:

Waar drome waar word

Daar waar drome waar word op die heuwels

Waar ek vry kan reis van land tot land 

voeg ek nou die spore van my stewels

En ek hou die oomblik in my hand. 

 

Daar waar drome waar word tussen mense

Waar ek ver kan reis van stad na stad 

Deel ek nou in eeue en oor grense 

Soveel nuwe prentjies in my hart.

Daar waar drome waar word in die strate

 Waar ek altyd reis van dorp tot dorp 

 Voel die kronkelpaaie deur my are 

 vreemdes word vriende drome word waar.

 

Koor

Dis hier waar ons is, dis hier waar ons was.

Brandhout vir my oudag Vuur vir my onthoudag 

 

Italiaans:   Non dimenticare senza fine viaggi

Frans:   N'oubliez pas les voyages sans fin

(Loshande vertaling: Herinneringe aan reise het geen einde nie)              

 

Geskryf deur Marius du Plooy.  

Sanger en komponis: Nardus du Plooy – Hoofsanger van die Kaalkop Waarheid.

Picture 1.jpg
bottom of page