Dit is ‘n retoervlug met Emirates.  

Almal moet uiteraard self by die punt uitkom van waar die toer vertrek.  (Behalwe die wat eie vlugte gereel het.)

Die vlug vertrek uit Johannesburg op 10 Desember om 18:50.

Die terugvlug land in Johannesburg op 21 Desember om 16:35. 

​​Die lugredery ken groepe se sitplekke outomaties toe.  As jy ‘n spesifieke sitplek verlang, kan jy dit aanlyn via Emirates se webtuiste doen, maar eers nadat jy jou vliegkaartjie ontvang het. Alle sulke besprekings kos deesdae ekstra.   

• Visums is elkeen se eie verantwoordelikheid.

•  ‘n Schengen-visum is nodig vir die toer.  

• Visummense vereis dat elke reisiger self teenwoordig moet wees om ook vingerafdrukke te laat neem tydens die aansoek. 

​

Omdat ons een nag langer in Duitsland op die boot is as nagte in Holland, moet die Schengenvisum deur TLS se Duitse lessenaars hanteer word. 

Jy kan eers ‘n afspraak maak vir die Schengen-visum nadat die vliegkaartjies aan jou besorg is, saam met die toerleiersverklaring wat alle verblyf en vervoer oorsee bevestig, asook dat elke toerlid te volle betaal het.  Dit gebeur eers nadat die volledige toerbedrag deur almal voor of op 10 September 2025 betaal is.  Daarna neem dit sowat 2 weke voordat vliegkaartjies uitgereik word.

Intussen kan jy solank jou eie dokumentasie gereed kry soos dit op die TLS-webtuiste vereis word. Jy hoef dit eers beskikbaar te hê vir jou afspraak by TLS.  https://visas-de.tlscontact.com/en-us

Aangesien vereistes soms verander, maak SELF op hulle webtuiste baie seker van wat jy als moet saamneem en waar jou naaste TLS-kantoor is.  

Visumkantore: Volgens die laaste webinligting wat ons ontvang het is daar kantore in Bloemfontein, Kaapstad, Durban, Port Elizabeth en Centurion.  

​

Jy sal op die Visumvorms sien dat jy moet sorg vir onder meer dinge soos:

·      Mediese en reisversekering

·      Bewys van voldoende fondse (gewoonlik 3 maande bankstate in Engels)

·      Proof of employment (if applicable).   ‘n Dokument vanaf die werkgewer wat bevestig dat jy by hom werksaam is en dat hy bewus is dat jy in die buiteland gaan wees en dat jy terugkeer na jou werk. ALT – Jy vul in dat jy afgetree is

·      Proof of Residence : Ons gebruik maar die nuutste munisipale rekening

·      Proof of Payment : Dis die bewys van betaling wat jy aan VFS oorbetaal het. In die verlede het visumkantore selfs vereis dat state by die bank gestempel MOET wees i.p.v. elektronies. 

·      WEER EENS: Maak self absoluut seker wat als vereis word. 

Indien jy enige eie ander wegbreek-reëlings het m.b.t. reis of verblyf moet jy self daardie bewyse insluit. Maak ook seker dat ons jou wegbreekinligting het.

NB: Paspoorte MOET 3 maande geldig wees nadat jy die Schengenlande verlaat.