VISUMS is elkeen se eie verantwoordelikheid.

Jy kry die visum by VFS Global, wat die Italiaanse visums hanteer. (VFS-webtuiste onderaan). Jy kan in elk geval eers aansoek doen vir die Schengen-visum nadat die vliegkaartjies aan julle besorg is, saam met die toerleiersverklaring wat bewys van alle verblyf en vervoer insluit.  Dit gebeur eers nadat die volledige toerbedrag deur almal voor of op 13 Mei betaal is.  Daarna neem dit sowat 2 weke voordat vliegkaartjies uitgereik word.  

Intussen kan jy solank jou eie dokumentasie gereed kry soos dit op die VFS-webtuiste vereis word.  Jy hoef dit eers beskikbaar te hê vir jou afspraak by VFS.  https://visa.vfsglobal.com/zaf/en/ita

Aangesien vereistes soms verander, maak SELF op hulle webtuiste baie seker van wat jy als moet saamneem en waar jou naaste VFS-kantoor is.

Jy sal daarop sien dat jy moet sorg vir onder meer dinge soos:

• Mediese en reisversekering.

• Bewys van voldoende fondse (gewoonlik 3 maande bankstate in Engels).

• Proof of Payment : Dis die bewys van betaling wat jy aan VFS oorbetaal het. In die verlede het die visumkantoor selfs vereis dat state by die bank gestempel MOET wees i.p.v. elektronies. 

• Proof of employment (if applicable).   ‘n Dokument vanaf die werkgewer wat bevestig dat jy by hom werksaam is en dat hy bewus is dat jy in die buiteland gaan wees en dat jy terugkeer na jou werk. ALT – Jy vul in dat jy afgetree is.

• Proof of Residence : Ons gebruik maar die nuutste munisipale rekening.

• WEEREENS: Maak self absoluut seker wat als vereis word. 

Die toerleiersverklaring wat ons gee vir jou visumaansoek verklaar dat jy deel is van die toergroep, volledig betaal het, die reisprogram, verblyfbewys en jou vlugkaartjie.