Oos-Europa avontuur:

​

As jy hou van baie vrye tyd om self te ontdek…  lees gerus verder: 

​

Ons besoek 3 asemrowende Oos-Europese stede, vol karakter en geskiedenis.

Treinry sal ons vervoermiddel wees, tussen die stede - treine wat netjies, skoon, veilig en betyds is.

​

Hierdie toer is ‘n loshande-ontdek-avontuur om die wêreld so raak te kuier. Jy het die vryheid het om elke stad in jou eie tyd te verken. Ons verskaf vir jou inligting van die belangrikste en lekkerste dinge om in elke stad te sien en te doen.

Ons vlieg vanaf Suid-Afrika na Budapest in Hongarye waar ons 3 nagte slaap voordat ons op die trein spring Praag toe, waar ons vir 4 nagte bly.  Dan weer per trein na na Warskou in Pole vir 3 nagte.

​

Op pad terug SA toe, stop ons in Istanbul en bly daar vir een-en-‘n-half-dag, voor ons terugvlieg SA toe. 14 dae uit en terug.

​

(As jy jou toer wil verleng, kan jy na die tyd wegbreek. Ons pas dan net jou terugvlug daarvolgens aan.)

​

Ingesluit: Alle hotelverblyf, alle ontbyte en alle treinvervoer. 

Ook 'n bustoer in Warskou, 'n boottoer in Budapest en 'n staptoer in Praag.  Hierdie stadstoere kan jy ook in jou eie tyd doen.

Uitgesluit: Middag- en aandetes, besoeke en toegang.

Die toer skep juis selfontdektyd en die vryheid vir elkeen se eie voorkeure en belangstellings. (Jy betaal dus nie ekstra vir ander mense se belangstellings nie.) Ons verskaf vooraf ‘n opsomming van elke stad se belangrikste besienswaardighede.

​

​

Skakel my by 083 787 1234 of stuur ‘n e-pos aan marius@fundipro.co.za

Marius du Plooy, Toerleier * Toerleier van Europese toere en  Franse kanaalbootvaarte * Twee jaar in Europa gebly as SABC-korrespondent * SABC-toerleier van drie Atties jeugtoere * Besoeke aan en ervaring van 12 lande