Kom saam en ervaar ‘n vakansie wat te uniek en spesiaal is om te beskryf. Ons vaar met vier bote saam in ‘n konvooi. Daar is 6 mense op elke boot en elkeen van die drie kajuite het sy eie badkamer. Die Le Boat-bote is spoggerig met ‘n netjiese kombuis met stoof en yskas, en ‘n lekker kuierplek in die eetkamer-kombuis en veral bo-op die dek.

 ‘n Week lank vaar ons in die pragtige Burgundygebied, verby dorpies, stop ‘n paar keer per dag en stap rond of ry fiets, proe Franse wyn en kuier op ons boot se dek terwyl ons by die wêreld verby vaar: wingerde, landerye, chateau’s...  Saans op die dek met ‘n glasie in die hand en geniet lekker kuier en gesels, terwyl die son ondergaan.

Ons is die kapteine van ons eie boot. Met elke vasmeer en deur elke sluis kry almal kans om hand by te sit. As jy wil kry jy ook kans om die boot te bestuur. Ons maak beurte om ligte aandete voor te berei. Ontbyt en middagetes is meer informeel.

INGESLUIT: AL DRIE drie selfmaaketes op die boot (ruim begroting), retoer- vliegkaartjies, een nag se hotelverblyf in Dijon met aandete en ontbyt, asook die bootvaart en busvervoer.

Hier ervaar ons die wêreld en Franse platteland op ‘n manier wat slegs ‘n handjievol Suid-Afrikaners al gedoen het… al droom byna almal daarvan… En dit saam met Valiant Swart. Marius du Plooy is die toerleier.